Nova Publicación

Candia, historia e presente dunha parroquia rural

Manuel Regal Ledo

Un pobo, unha terra, unha fala

            Así canta a coñecida canción, e así reza o título da introducción do libro de Manolo Regal Ledo sobre unha parroquia da nosa Unidade Pastoral: Candia.

            Ven de publicar un libriño sobre a historia e presente da parroquia de Candia, editado polo Servizo de Publicacións da Deputación de Lugo; o seu título é: Candia. Historia e presente dunha parroquia rural.

            Nas súas páxinas un atopa a vida e o quefacer dos veciños e veciñas de Candia desde as primeiras novas que se coñecen, e que o autor estudou, ata a actualidade. É unha aproximación á historia que a xente desta parroquia foi artellando e segue a facer, desenvolvendo unha maneira de traballar e producir, unha maneira de vivir e convivir, unha maneira de falar, crear e compartir cultura.

            Sen dúbida é unha boa nova para os veciños e veciñas desta parroquia, e para cantos formamos parte da Unidade Pastoral. Alegrámonos con eles, e compartímo-la súa ledicia e orgullo por este libro. Ó seu autor, felicitámolo polo traballo ben feito, que fai que o que un é non se esqueza, senón que desde a historia trae ó presente canto estructura a vida e canto queda por andar. Gracias.