Ides casar?...
Ides casar pola Igrexa?...
A noticia dunha voda sempre é unha boa noticia. Non
tódalas parellas casan, e non todas pola Igrexa. Un pode facelo noutra relixión
ou confesión cristiá, de acordo coa súa fe. Tamén, se un non cre ou o da fe non
o ten claro, existe a posibilidade de casar “polo civil” no Xulgado ou no
Concello.
O lóxico é que a unión matrimonial entre cristiáns,
sexa “ante Deus” e “na Igrexa”. Por iso o matrimonio é máis cá un acto formal
ou un contrato entre home/muller: é un sacramento.
Se, pois, a vosa decisión é a de celebra-lo sacramento do matrimonio, a Igrexa
pídevos dúas cousas:
* celebralo consciente e libremente. Para iso hai unha
mínima preparación que consiste en ter uns encontros
prematrimoniais:
+ para falar da realidade do matrimonio: faise en
grupo, con outras parellas.
+
para reflexionar sobre este sacramento, tamén en grupo.
* preparar ben a
celebración do voso casamento. Para iso, tendes que falar co sacerdote que
presida a celebración e así ver cómo: na Misa ou sen ela; en galego ou
castelán,...
Este encontro é só con vós e quen preside a
celebración.
Este
curso 2015 as datas dos encontros son:
07/3/2015 1º Encontro
21/3/2015 2º Encontro
11/4/2015 1º Encontro
18/4/2015 2º Encontro
09/5/2015 1º Encontro
23/5/2015 2º Encontro
06/6/2015 1º Encontro
20/6/2015 2º Encontro
Non esquezades aporta-la documentación precisa e
face-lo expediente matrimonial, na
parroquia onde vivides cada un, que acredite a vosa condición e capacidade para
contraer “matrimonio canónico”.
Os documentos son:
+ Presenta-lo DNI.
+ Certificado de nacemento (do Rexistro civil).
+ Partida de bautismo:
- se estades bautizados noutra parroquia distinta a
onde ides casar,
- se esa parroquia é doutra diocese, a partida ten
que vir legalizada polo Bispado.
- Se o expediente se fai nunha parroquia distinta a onde se celebra a voda ou noutra diocese, hai que face-lo “atestado matrimonial”