viernes, 27 de noviembre de 2015

Homenaxe a D. Uxío García Amor

O Instituto de Estudos Chairegos organiza para o venres 27 de novembro en Vilalba, un acto de homenaxe ao sacerdote, músico e profesor


O Instituto de Estudos Chairegos organiza para o vindeiro venres, día 27 de novembro de 2015, ás 20:30 horas, na Casa da Cultura de Vilalba, un acto de homenaxe a Uxío García Amor, sacerdote, músico e profesor, que se artellará tendo en conta o seguinte programa:


· PRESENTACIÓN DO SEU POEMARIO “VERSOS EN MI VIDA”, libro que, según palabras do propio autor, recolle “pequenas sementes que condensan as vivenvias relixiosas e festivas polas que pasei, e que tiven a oportunidade de cultivar co meu pobre carisma poético”.

· ACTO DE ENTREGA DA PLACA E DIPLOMA DE SOCIO DE HONRA DO INSTITUTO DE ESTUDOS CHAIREGOS, tralo acordo to-mado por unanimidade na Asemblea Xeral Ordinaria que o Iescha levou a cabo o pasado mes de marzo. No acto intervirán o propio homenaxeado, Félix Villares Mouteira e Manuel Castro Santamariña.

· UXÍO GARCÍA AMOR

Sacerdote da diocese de Mondoñedo-Ferrol. O 19 de marzo de 1953 foi ordenado. Estudou Humanidades no Seminario de Mondoñedo. É licenciado en Filosofía e Teoloxía na Universidade Gregoriana de Roma e en Ciencias Bíblicas no Instituto Bíblico de Roma. Desempeñou os seguintes cargos: Superior e profesor no Seminario de Mondoñedo (1956-66). Mestre de Capela na Catedral de Mondoñedo (1956-71). Secretario xeral do bispado (1966-80). Delegado diocesano de Caritas (1964-70). Administrador diocesano do bispado, sede vacante (1985-87). vigairo xeral do bispado (1987-93). Párroco das Pontes (1993). Director do Orfeón de Mondoñedo (1968-82). Profesor no Seminario de Mondoñedo (1956-80). Profesor na Escola Diocesana de Teoloxía e no Instituto Universitario de Ciencias Relixiosas. Traballou na acción pastoral como encargado de diversas parroquias rurais e como responsable das Delegacións do clero, Cáritas, Apostolado da Oración, Patrimonio Artístico... Dende hai varios anos exerce esta labor en Vilalba, onde tamén dirixe á Coral Polifónica Vilalbesa. En xuño de 2011 foi nomeado polo papa Prelado de Honor da Súa Santidade. Foille outorgado o título de 'Chairego de Honra' no ano 2012 nun acto organizado en Vilalba pola Irmandade Manuel María e a Asoc C 'Xermolos'. Publicou numerosos artigos sobre temas bíblicos, estudos biográficos e algúns poemas.

Aquí a INVITACIÓN:

Pincha na imaxe para vela máis grande

No hay comentarios:

Publicar un comentario